Onetamil News Logo

இந்தியாவின் புதிய தேர்தல் ஆணையராக முன்னாள் நிதிச் செயலாளர் ராஜீவ் குமார் இன்று பொறுப்பேற்பு 

Onetamil News
 

இந்தியாவின் புதிய தேர்தல் ஆணையராக முன்னாள் நிதிச் செயலாளர் ராஜீவ் குமார் இன்று பொறுப்பேற்பு 


டெல்லி 2020 செப்  1 ;இந்தியாவின் புதிய தேர்தல் ஆணையராக ராஜீவ் குமார் இன்று முறைப்படி பொறுப்பேற்றுக் கொண்டார். 
இந்தியத் தேர்தல் ஆணையராக இருந்த அசோக் லவாசா தனது பதவியை ராஜினாமா செய்திருந்தார். இதையடுத்து குடியரசுத் தலைவர் ராம்நாத் கோவிந்த் கடந்த வாரம் ஒப்புதல் அளித்ததை அடுத்து, முன்னாள் மத்திய நிதித்துறை செயலாளர் ராஜீவ் குமார் தேர்தல் ஆணையராக நியமிக்கப்பட்டார். இந்நிலையில் இன்று அவர் முறைப்படி பொறுப்பேற்றுக் கொண்டார்.
இதுதொடர்பாக இந்திய தேர்தல் ஆணையம் சார்பில் வெளியிடப்பட்டுள்ள செய்திக்குறிப்பில், புதிய தேர்தல் ஆணையராக பொறுப்பேற்றுக் கொண்ட ராஜீவ் குமார், தலைமை தேர்தல் ஆணையர் சுனில் அரோரா மற்றும் தேர்தல் ஆணையர் சுஷில் சந்திரா ஆகியோருடன் இணைந்து பணியாற்றுவார்.
புதிய தேர்தல் ஆணையர் நியமனம்
பிறப்பு: 1960ஆம் ஆண்டு பிப்ரவரி 19ஆம் தேதி,ஐஏஎஸ்: 1984ஆம் ஆண்டு ஜார்க்கண்ட் பிரிவு, படிப்பு: பி.எஸ்சி, எல்.எல்.பி, பிஜிடிஎம், எம்.ஏ பப்ளிக் பாலிசி
பதவிகள்: சமூக நலத்துறை, சுற்றுச்சூழல், வனத்துறை, மனிதவள மேம்பாடு, நிதித்துறை மற்றும் வங்கித்துறை சார்ந்த பதவிகளில் பணியாற்றியுள்ளார்.
இந்தியத் தேர்தல் ஆணையராக முன்னாள் நிதிச் செயலாளர் நியமனம்!
குறிப்பிடத்தக்க பதவிகள்: 2015 - 17 காலக்கட்டத்தில் பணியாளர்கள் மற்றும் பயிற்சி துறையின் நிர்வாக அதிகாரியாக இருந்துள்ளார். செலவீனத் துறையின் கூடுதல் செயலாளராக இருந்துள்ளார்.

பணிக்காலம்: 36 ஆண்டுகளாக இந்திய அரசுப் பணியில் இருந்திருக்கிறார். ஜார்க்கண்ட்/ பீகார் மாநிலங்களில் மத்திய அரசின் பல்வேறு அமைச்சகங்களின் கீழ் பணியாற்றியுள்ளார். கடந்த பிப்ரவரி 2020ல் மத்திய நிதித்துறை செயலாளராக இருந்த போது ஓய்வு பெற்றார்.ஓய்விற்கு பின் மீண்டும் ஏப்ரல் 2020 முதல் 31 ஆகஸ்ட் 2020 வரை பொதுத்துறை நிறுவனங்களின் தேர்வுக்குழு தலைவராக இருந்தார். இவர் நீண்ட தூரம் நடைபயணங்களில் மிகுந்த ஆர்வம் கொண்டவர். கிளாசிக்கல் மற்றும் பக்தி இசையை விரும்பி கேட்பார்.
 
Onetamil News ad
 
 
 
 

தொடர்புடைய செய்திகள்

 

Onetamil News

Onetamil News
 
Onetamil News
 
Onetamil News Birthday Wishes
 

இத படிங்க முதல்ல

விளம்பரங்கள்

Onetamil News Onetamil News
Onetamil News Logo