Onetamil News Logo

சவுதி அரேபியா நாட்டில் உயிரிழந்த வாலிபர் உடலை மீட்கக்கோரி - உறவினர்கள் கோட்டாட்சியரிடம் முறையிட்டு கோரிக்கை மனுவை வழங்கினர்

Onetamil News
 

சவுதி அரேபியா நாட்டில் உயிரிழந்த வாலிபர் உடலை மீட்கக்கோரி - உறவினர்கள் கோட்டாட்சியரிடம் முறையிட்டு கோரிக்கை மனுவை வழங்கினர்


கோவில்பட்டி, ,2020 பிப்ரவரி 16 ;சவுதி அரேபியா நாட்டில் உயிரிழந்த வாலிபர் உடலை மீட்கக்கோரி - உறவினர்கள் கோட்டாட்சியர் விஜயாவிடம் முறையிட்டு கோரிக்கை மனுவை வழங்கினர்
தூத்துக்குடி மாவட்டம் கோவில்பட்டி அருகே சிவந்திபட்டி கீழ தெருவைச் சேர்ந்தவர் வடிவேல். இவருடைய மனைவி அல்லி பாப்பா. இவர்களுக்கு 2 மகன்கள், 2 மகள்கள். இளைய மகன் வேல்முருகன் (வயது 31). இவர் கடந்த 1½ ஆண்டாக சவுதி அரேபியா நாட்டில் ரியாத் நகரில் உள்ள தனியார் நிறுவனத்தில் தொழிலாளியாக வேலை செய்து வந்தார். இவருக்கு திருமணமாகவில்லை.,இவருடைய அண்ணன் மற்றும் 2 அக்காள்களுக்கு திருமணமாகி விட்டது. இந்த நிலையில் வடிவேல் கடந்த சில ஆண்டுகளுக்கு முன்பு இறந்து விட்டார். பின்னர் உடல்நலம் பாதிக்கப்பட்ட அல்லி பாப்பா தனது வீட்டில் தனியாக வசித்து வருகிறார்.
இந்த நிலையில் சவுதி அரேபியா நாட்டில் வேலை செய்த வேல்முருகன் இறந்ததாக, சிவந்திபட்டி வருவாய் ஆய்வாளர் நேற்று முன்தினம் அல்லி பாப்பாவிடம் தெரிவித்தார். இதனால் அதிர்ச்சி அடைந்த அல்லிபாப்பா மற்றும் குடும்பத்தினர், உறவினர்கள் கதறி அழுதனர். தொடர்ந்து அவர்கள், வேல்முருகனின் உடலை சொந்த ஊருக்கு கொண்டு வர ஏற்பாடு செய்ய வேண்டும் என்று வலியுறுத்தி, நேற்று கோவில்பட்டி உதவி கலெக்டர் அலுவலகத்தில் சென்று, உதவி கலெக்டர் விஜயாவிடம் கோரிக்கை மனு வழங்கினர்.மனுவை பெற்று கொண்ட உதவி கலெக்டர் விஜயா, இதுகுறித்து உரிய நடவடிக்கை மேற்கொள்வதாக உறுதி அளித்தார். இதையடுத்து அனைவரும் கலைந்து சென்றனர்.
 
Onetamil News ad
 
 
 
 

தொடர்புடைய செய்திகள்

 

Onetamil News

Onetamil News
 
Onetamil News
 
Onetamil News Birthday Wishes
 

இத படிங்க முதல்ல

விளம்பரங்கள்

Onetamil News Onetamil News
Onetamil News Logo