Onetamil News Logo

தூத்துக்குடியில் ;பேரறிஞர் அண்ணாவின் 110வது பிறந்த நாளை முன்னிட்டு பள்ளி மாணவ – மாணவியருக்கு பேச்சு போட்டி, கட்டுரை போட்டி, கவிதை ஒப்பித்தல் போட்டிகள்; வடக்கு மாவட்ட தி.மு.க. பொறுப்பாளர்  P.கீதாஜீவன் அழைப்பு 

Onetamil News
 

தூத்துக்குடியில் ;பேரறிஞர் அண்ணாவின் 110வது பிறந்த நாளை முன்னிட்டு பள்ளி மாணவ – மாணவியருக்கு பேச்சு போட்டி, கட்டுரை போட்டி, கவிதை ஒப்பித்தல் போட்டிகள்; வடக்கு மாவட்ட தி.மு.க. பொறுப்பாளர்  P.கீதாஜீவன் அழைப்பு 



தூத்துக்குடி 2018 நவம்பர் 8 ;பேரறிஞர் அண்ணாவின் 110வது பிறந்த நாளை முன்னிட்டு தூத்துக்குடி வடக்கு மாவட்ட தி.மு.க. இளைஞரணி சார்பில்  பள்ளி மாணவ – மாணவியருக்கு பேச்சு போட்டி, கட்டுரை போட்டி,            கவிதை ஒப்பித்தல் போட்டிகள்; மாணவ – மாணவியர்கள் அனைவரும் கலந்து கொள்ள வடக்கு மாவட்ட தி.மு.க. பொறுப்பாளர்  P.கீதாஜீவன் வேண்டுகோள் விடுத்துள்ளார்.
   இது குறித்து  தூத்துக்குடி வடக்கு மாவட்ட தி.மு.க.  மாவட்ட பொறுப்பாளர் பி.கீதாஜீவன் வெளியிட்டுள்ள செய்திக்குறிப்பில் கூறியதாவது....     பேரறிஞர் அண்ணா 110வது பிறந்தநாள் விழாவை முன்னிட்டு தி.மு.க. இளைஞர் அணி அறக்கட்டளை சார்பில் பேச்சுப்போட்டி, கட்டுரைப்போட்டி, கவிதை ஒப்பித்தல் ஆகிய போட்டிகள் கடந்த ஆண்டுகளைப்போலவே இந்த ஆண்டும் நடைபெற உள்ளது.
      கழக தலைவர்  மு.க.ஸ்டாலின்  அறிவிப்புக்கு இணங்க தூத்துக்குடி வடக்கு மாவட்டத்தில்  வருகிற 18.11.2018 ஞாயிறு அன்று தூத்துக்குடி புதிய பேருந்து நிலையம் அருகில் உள்ள கீதா மெட்ரிக் மேல்நிலைப்பள்ளியில் வைத்து நடைபெற இருக்கிறது. இப்போட்டிகள் அனைத்திலும் 9, 10 மற்றும் 11, 12 ஆகிய வகுப்புகளில் பயிலும்  மாணவ – மாணவியர் பங்கேற்க தகுதியுடையவர்கள் ஆவர்.
பேச்சுப் போட்டிக்கான தலைப்பு (1) மொழிப்போர் களத்தில் அய்யாவும், அண்ணாவும், கலைஞரும் (2) பெரியார் - அண்ணா – கலைஞர் – தலைவர் ஸ்டாலின் ஆகிய இரண்டு தலைப்புகளில் ஏதேனும் ஓரு தலைப்பில் 5 நிமிடத்திற்கு மிகாமல் பேச வேண்டும்.
கட்டுரை போட்டிக்கு (1) திராவிட இயக்கமும், இட ஒதுக்கீடும்.         (2) காலத்தால் அழியாத கலைஞரின் வார்த்தைகள். ஆகிய இரு தலைப்புகளில் ஏதேனும் ஓரு தலைப்பில் 100 வரிகளுக்கு மிகாமல் எழுத வேண்டும். பேப்பர் போட்டி நடைபெறும் அறையில் தரப்படும்.
      கவிதை ஒப்புவித்தல் போட்டிக்கு, இணைக்கப்பட்டுள்ள தலைவர் கலைஞர் அவர்களின் இரண்டு கவிதைகளில் ஏதேனும் ஒரு கவிதையை போட்டியில் ஒப்பித்தல் வேண்டும் இசையுடனோ, ஒப்பனை அணிந்தோ கவிதைகளை ஒப்பிக்கக்கூடாது. இக்கவிதை அந்தந்த பள்ளிகளுக்கு அனுப்பப்பட்டுள்ளது. கிடைக்கப்பெறாதவர்கள் மாவட்ட தி.மு.க அலுவலகமான தூத்துக்குடி கலைஞர் அரங்கில் பெற்றுக்கொள்ளளாம்.
      
போட்டிகளில் பங்குபெற்று வெற்றிபெறும் மாணவ – மாணவியர் முதல் பரிசாக ரூ.10,000/- இரண்டாம் பரிசாக ரூ.5,000/- மூன்றாம் பரிசாக ரூ2500/- ஆறுதல் பரிசாக ரூ.1000/-வீதம் 10 பேருக்கும் வழங்கப்படும்.
      இது தவிர போட்டிகளில் கலந்து கொள்ளும் அனைத்து மாணவ – மாணவியருக்கும் மாவட்ட தி.மு.க சார்பில் பரிசுகள் வழங்கப்படும்.
     இந்நிகழ்ச்சிக்கு வடக்கு மாவட்ட தி.மு.க. பொறுப்பாளரான நான் (P.கீதாஜீவன்) தலைமை  தாங்குகிறேன். மாவட்ட இளைஞரணி அமைப்பாளர் மதியழகன் வரவேற்புரை ஆற்றுகிறார். மாவட்ட இளைஞரணி துணை அமைப்பாளர்கள்  அம்பா சங்கர், பிரதிப், இம்மானுவேல், டேவிட் ராஜ், சு. கருப்பசாமி, மாநகர இளைஞரணி துணை அமைப்பாளர்கள் அருண் சுந்தர்,  முத்துராமன், செல்வின், நிர்மல் ராஜ்,  சங்கர நாராயணன், ஆகியோர் முன்னிலை வகிக்கின்றனர். மாநகர இளைஞரணி அமைப்பாளர் ஆனந்தகேபிரியேல்  நன்றியுரை ஆற்றுகிறார். 
                                  
போட்டியில் வெற்றிபெற்ற மாணவ- மாணவியருக்கு தி.மு.க. மாநில  இளைஞரணி  இணைச்  செயலாளர்  அசன் முகமது ஜின்னா மற்றும் மாநகர செயலாளர் ளு.சு. ஆனந்த சேகரன், பொதுக்குழு உறுப்பினர் N.P. ஜெகன் ஆகியோர் பரிசுகள் வழங்க இருக்கிறார்கள். போட்டி நடுவராக தலைமை கழக பேச்சாளர் மணிமாறன் அறிவிக்கபட்டுள்ளார்.
                                                                                                                                                  மாவட்ட அளவில் முதல் மற்றும் இரண்டாம் இடங்களை பிடிக்கும் மாணவ – மாணவியர் மாநில அளவில் நடைபெறும் போட்டிகளில் கலந்து கொள்வார்கள். அதில் முதல் பரிசாக ரூ.25,000/- இரண்டாம் பரிசாக ரூ.15,000/- மூண்றாம் பரிசாக ரூ10,000/- ஆறுதல் பரிசாக ரூ.5000/- வீதம் 10 பேருக்கும் வழங்கப்படும். போட்டிகளுக்கான அழைப்பிதழ் கிடைக்காத மாணவ – மாணவியர் இதனையே அழைப்பாக ஏற்று தவறாது கலந்து கொள்ள அன்புடன் அழைக்கிறேன். மேலும் விபரங்களுக்கு 98421-66201, 94878-48442 என்ற எண்களில் தொடர்பு கொள்ளவும் என்று கூறியுள்ளார்.
                              
                            
                              
                                    

 

 
Onetamil News ad
 
 
 
 

தொடர்புடைய செய்திகள்

 

Onetamil News

Onetamil News
 
Onetamil News
 
Onetamil News Birthday Wishes
 

இத படிங்க முதல்ல

விளம்பரங்கள்

Onetamil News Onetamil News
Onetamil News Logo