Onetamil News Logo

நீதிபதி குருவையா அறிவுறுத்தலால் வக்கீலான திருநங்கை விஜி தூத்துக்குடியில் பேட்டி

Onetamil News
 

நீதிபதி குருவையா அறிவுறுத்தலால் வக்கீலான திருநங்கை விஜி தூத்துக்குடியில் பேட்டி


                                                               
தூத்துக்குடி  2018 ஜூலை 9 ; இந்தியாவின் 2-வது திருநங்கை வழக்கறிஞராக தூத்துக்குடியைச் சேர்ந்த எஸ்.விஜி தமிழ்நாடு மற்றும் புதுச்சேரி பார் கவுன்சிலில் பதிவு செய்துள்ளார். நீண்ட போராட்டத்துக்கு பின்னர் வழக்கறிஞராகி  தூத்துக்குடி திரும்பிய அவருக்கு உற்சாக வரவேற்பு அளிக்கப்பட்டது.
தூத்துக்குடி அருகேயுள்ள தாளமுத்துநகர் சிலுவைப்பட்டியைச்  சேர்ந்தவர் எஸ்.விஜி (38). திருநங்கையான இவர், சமூக சேவையில் அதிக ஈடுபாடு கொண்டவர். ‘அன்பு அறக்கட்டளை’ என்ற பெயரில் தொண்டு நிறுவனம் தொடங்கி, எய்ட்ஸ் குறித்த விழிப்புணர்வை ஏற்படுத்தி வந்தார். தமிழ்நாடு திருநங்கைகள் நலவாரியத்தில் தென்மண்டல பிரதிநிதியாகப் பணியாற்றினார். கடந்த 2012-ம் ஆண்டு லோக் அதாலத் எனப்படும் மக்கள் நீதிமன்றத்தில் உறுப்பினராக சேர்த்துக் கொள்ளப்பட்டார்.
ஆந்திர மாநிலம் காக்கிநாடாவில் உள்ள ராஜீவ் காந்தி சட்டக் கல்லூரியில் சேர்ந்து கடந்த ஓராண்டுக்கு முன் சட்டம் பயின்று முடித்தார். ஆனால், பார் கவுன்சிலில் பதிவு செய்வதில் தாமதம் ஏற்பட்டது.
சுமார் ஓராண்டு தாமதத்துக்குப் பின்னர் நேற்று முன்தினம் (ஜூலை 7) இவர் தமிழ்நாடு மற்றும் புதுச்சேரி பார் கவுன்சிலில் தன்னை வழக்கறிஞராகப் பதிவு செய்தார். அதன் பிறகு ரயில் மூலம் விஜி நேற்று தூத்துக்குடி வந்தார். ரயில் நிலையத்தில் சக திருநங்கைகள் அவருக்கு உற்சாக வரவேற்பு அளித்தனர்.
அப்போது விஜி செய்தியாளர்களிடம் கூறியதாவது: 5 ஆண்டுகளாக கஷ்டப்பட்டு உழைத்து தான் தற்போது வழக்கறிஞராகி இருக்கிறேன். திருநங்கைகள் என்றால் சமுதாயத்தில் ஒரு விதமான கெட்ட பெயர் இருக்கிறது. அதனை மாற்ற நாம் ஏதாவது சாதிக்க வேண்டும் என்ற உந்துதலில்தான் சட்டம் படிக்க ஆரம்பித்தேன். 2012-ல் லோக் அதாலத் என்ற மக்கள் நீதிமன்றத்தில் முதன்முதலாக என்னை உறுப்பினராக சேர்த்தார்கள். தூத்துக்குடி மாவட்ட நீதிமன்றத்தில் லோக் - அதாலத் (மக்கள் நீதிமன்றம் ) உறுப்பினராக பணியாற்றினேன். என்னை இந்தியாவிலேயே முதல் முதலாவதாக  லோக் அதாலத் உறுப்பினராக நியமித்தவர் அப்போதைய சட்டப் பணிகள் ஆணைக்குழுவின் செயலாளர் /சார்பு நீதிபதி குருவையா , எனது  நியமனத்தை அங்கிகரித்தவர் அப்போதைய மாவட்ட நீதிபதி ஆவடி தியாகராஜமூர்த்தி., 
எங்களை போன்றவர்கள் படிக்கிறார்கள் என்றால், தகுந்த வழிகாட்டுதலை அரசு ஏற்படுத்தி கொடுக்க வேண்டும். அந்த மாதிரி வழிகாட்டுதல் இல்லாததால்தான், நான் படித்து முடித்து ஓராண்டு ஆகியும் பதிவு செய்வதில் தாமதம் ஏற்பட்டது.
இந்த மாதிரி தடைகள் வரும்போது மனது சோர்வாகிவிடுகிறது. அடுத்து வருபவர்களுக்காவது அரசு உரிய வழிகாட்டுதல் வழங்க வேண்டும். என்னை போன்ற திருநங்கைகளுக்கு உந்துதலாக இருக்க விரும்புகிறேன்.
நிறைய பேர் ஐஏஎஸ், ஐபிஎஸ் படிக்க வேண்டும். சமூகம் சார்ந்த பணிகளில் இருக்க வேண்டும் என்பதுதான் எனது விருப்பம். சமூகம் என்னை நேசிக்காவிட்டாலும் பரவாயில்லை, சமுதாயத்தை நான் நேசிப்பேன். 
                                        
அதற்கு பின்னர் வந்த மாவட்ட நீதிபதி ஒருவர் திருநங்கை விஜியை லோக் அதாலத் உறுப்பினர் பதவியில் இருந்து நீக்கினார் அதோடு ஏளனமும் செய்து நீதிமன்ற வளாகத்தை விட்டே விரட்டி விட்டார்.   ஆனால் அதே நீதிமன்ற வளாகத்திற்குள் கூடுதல் வலிமையோடு ஒரு அங்கீகாரத்தோடு வழக்கறிஞராக நுழைந்து சமூக பணியாற்ற வந்துள்ளார். 
                                                                                                                                                திருநங்கைகளுக்கு இலவச வீட்டுமனைபட்டா உடனடியாக வழங்க நடவடிக்கை எடுக்க வேண்டும், வாக்காளர் அடையாள அட்டை, ஆதார் அட்டை ஆகிய வழங்க வேண்டும், மூத்த திருநங்கைகளுக்கு உதவித் தொகை வழங்க வேண்டும் என்று கூறினார்.
                                                  
சார்பு நீதியான குருவையா  பின்னர் மாவட்ட முதன்மை நீதியாக இருந்து தற்போது ஓய்வு பெற்று மதுரையில் இருந்து வருகிறார் பல்வேறு சட்ட நுணுக்கங்களை எங்களுக்கு கற்று தந்தவர் இன்றளவும் எங்களோடு தொடர்பில் இருந்து வருகிறார் என்றார்.திருநங்கை விஜியை சட்டப் படிப்பு படிக்க சொன்னவர் அவர் சொன்னது போல் இன்று வழக்கறிஞராக வந்துள்ளார்.
 
Onetamil News ad
 
 
 
 

தொடர்புடைய செய்திகள்

 

Onetamil News

Onetamil News
 
Onetamil News
 
Onetamil News Birthday Wishes
 

இத படிங்க முதல்ல

விளம்பரங்கள்

Onetamil News Onetamil News
Onetamil News Logo