Onetamil News Logo

பேரீச்சை சாகுபடி செய்ய தூத்துக்குடி மாவட்டத்தில், எக்டருக்கு ரூ.30 ஆயிரம் மானியம்     

Onetamil News
 

பேரீச்சை சாகுபடி செய்ய தூத்துக்குடி மாவட்டத்தில், எக்டருக்கு ரூ.30 ஆயிரம் மானியம்       


                            
தூத்துக்குடி 2019 செப் 10 ;தூத்துக்குடி மாவட்டத்தில் பேரீச்சை சாகுபடி செய்ய ஒரு எக்டருக்கு ரூ.30,000/- மானியம் வழங்கப்படுகிறது.மாவட்ட ஆட்சித்தலைவர் சந்தீப் நந்தூரி, தகவல் தெரிவித்துள்ளார்.
பேரீச்சம் பழம் ஒரு ஊட்டச்சத்து மற்றும் நார்சத்து மிகுந்த ஆரோக்கியமான பழமாகும். உலக சந்தையில், இந்தியா கிட்டத்தட்ட 35%  பேரிச்சம் பழத்தினை இறக்குமதி செய்கிறது. இந்தியாவில் குறிப்பாக தமிழ்நாட்டில் தேவை அதிகம் இருப்பதால் பேரீச்சையை சாகுபடி செய்ய விவசாயிகள்; ஆர்வம் காட்டுகின்றனர்.
பொதுவாக பேரீச்சை அரபு நாடுகளில் உள்ள பாலைவனங்களில் அதிகமாக வளரக்கூடியவை.  ஆனால் இதர இடங்களிலும் பேரீச்சை மரங்களை நல்ல முறையில் சாகுபடி செய்யலாம். தமிழ்நாட்டில், வணிகரீதியாக தர்மபுரி, ஈரோடு மற்றும் திருப்பூர் மாவட்டங்களில் மட்டும் சுமார் 100 ஏக்கர் பரப்பில் பேரீச்சை சாகுபடி செய்து லாபம்  அடைந்து வருகின்றனர்.
விவசாயிகள் பேரீச்சை சாகுபடி செய்வதை ஊக்குவிப்பதற்காக, தோட்டக்கலைத் துறை மூலமாக செயல்படுத்தப்பட்டு வரும் தேசிய வேளாண் வளர்ச்சித் திட்டத்தின் வாயிலாக 2019-20 ஆம் ஆண்டில் பேரீச்சை சாகுபடி செய்வதற்கு ஒரு எக்டருக்கு ரூ.30.000 என்ற வீதத்தில் மானியம் வழங்கப்படுகிறது.இத்திட்டத்தின் கீழ் தூத்துக்குடி மாவட்டத்திலும், எக்டருக்கு ரூ.30 ஆயிரம் மானியம் வழங்கப்படுகிறது.
பேரீச்சை, விதைகள் மற்றும் திசு வளர்ப்பு செடிகள் மூலமாக சாகுபடி செய்யலாம். பொதுவாக எக்டருக்கு 175 செடிகள்; என்ற விகிதத்தில் நடலாம். நல்ல மகசூல் பெற, செயற்கையாக மகரந்த சேர்;க்கை செய்வது அவசியமாகிறது. பயிர் இழப்பை குறைப்பதற்காக, சொட்டு நீர் பாசனம் மூலம் நீர் பாய்ச்சலாம். நுண்ணீர் பாசனம் அமைக்க சிறுஃகுறு விவசாயிகளுக்கு 100%  மானியமும், பெரிய விவசாயிகளுக்கு 75மூ மானியமும், அரசால் வழங்கப்படுகிறது. நன்றாக பராமரிக்கப்பட்ட சூழலில் சராசரியாக மரம் ஒன்றுக்கு 200 கிலோ முதல் 300 கிலோ வரை விளைச்சல் பெறலாம்.
பேரீச்சை சாகுபடி பரப்பு நாளுக்கு நாள் அதிகரித்து கொண்டே வருகிறது. இத்திட்டத்தின் மூலம் பேரீச்சை சாகுபடி செய்ய மானியம் பெற, உழவன் செயலி மூலமாகவும், தூத்துக்குடி மாவட்டத்திலுள்ள தோட்டக்கலை துணை இயக்குநரையோ அல்லது வட்டார அளவில் தோட்டக்கலை உதவி இயக்குநர் அல்லது தோட்டக்கலை அலுவலர் அல்லது உதவி தோட்டக்கலை அலுவலரையோ அணுகவும், தூத்துக்குடி மாவட்ட விவசாயிகள் இத்திட்டத்தில் அதிகமாக பயனடைய வேண்டும் என மாவட்ட ஆட்சித்தலைவர் சந்தீப் நந்தூரி, தெரிவித்துள்ளார்.
 
Onetamil News ad
 
 
 
 

தொடர்புடைய செய்திகள்

 

Onetamil News

Onetamil News
 
Onetamil News
 
Onetamil News Birthday Wishes
 

இத படிங்க முதல்ல

விளம்பரங்கள்

Onetamil News Onetamil News
Onetamil News Logo