Onetamil News Logo

 இஸ்ரோ உருவாக்கிய ஜி சாட் -31 செயற்கைகோள் வெற்றிகரமாக விண்ணில் ஏவப்பட்டது ;தகவல் தொடர்பு வசதிக்காக இன்று அதிகாலை 2.33 மணியளவில்  பிரெஞ்ச் கயானாவில் விண்ணில் ஏவப்பட்டு நிலைநிறுத்தப்பட்டது.

Onetamil News
 

 இஸ்ரோ உருவாக்கிய ஜி சாட் -31 செயற்கைகோள் வெற்றிகரமாக விண்ணில் ஏவப்பட்டது ;தகவல் தொடர்பு வசதிக்காக இன்று அதிகாலை 2.33 மணியளவில்  பிரெஞ்ச் கயானாவில் விண்ணில் ஏவப்பட்டு நிலைநிறுத்தப்பட்டது. 


நமது நாட்டில் தகவல் தொடர்பு வசதிகளைப் பெருக்கும் வகையில், அதிநவீன தகவல் தொடர்பு செயற்கை கோள்கள் விண்ணில் செலுத்தப்பட்டு வருகின்றன. அந்த வகையில் 40-வது தகவல் தொடர்பு செயற்கைகோளாக ‘ஜிசாட்-31’ என்ற செயற்கை கோளை இந்திய விண்வெளி ஆராய்ச்சி அமைப்பான ‘இஸ்ரோ’ உருவாக்கி உள்ளது.இந்த செயற்கை கோள், இன்று அதிகாலை 2.33 மணியளவில்  பிரெஞ்ச் கயானாவில் உள்ள கொரூவ்வில் இருந்து கனரக ஐரோப்பிய ராக்கெட்டான ‘ஏரியன்-5’ மூலம் வெற்றிகரமாக விண்ணில் ஏவப்பட்டு நிலைநிறுத்தப்பட்டது.  இந்த செயற்கைகோள் மூலமாக இந்திய ராணுவம் மற்றும் விமானப்படையின் பலம் உயரும் என்பதுடன் அண்டை நாடுகள் இந்திய விமானப்படை நகர்வுகளை கண்காணிக்க முடியாத நிலையை கொடுக்கும். இதன் சிறப்புகளை காணலாம். ஜிஎஸ்எல்வி ஜிசாட் 7ஏ ராக்கெட் மூலமாக குறிப்பிட்ட புவி சுற்று வட்டப்பாதையில் இந்த செயற்கைகோள் நிலைநிறுத்தப்பட்டுள்ளது. இந்த செயற்கோளில் இருக்கும் ஆன்போர்டு புரொபல்ஷன் சிஸ்டம் மூலமாக, அடுத்த சில நாட்களில் சரியான சுற்று வட்டப்பாதையில் நிலைநிறுத்தப்படும்.

‘ஜிசாட்-31’ செயற்கைகோள் 2 ஆயிரத்து 535 கிலோ எடை கொண்டதாகும். இதன் ஆயுள் காலம் 15 ஆண்டுகள் ஆகும். இது ‘இஸ்ரோ’வின் ‘1-2கே பஸ்’ வகையின் மேம்படுத்தப்பட்ட செயற்கை கோள். இதன்மூலம் இந்தியாவின் மையப்பகுதியும், தீவுப்பகுதியும் பலன் அடையும். ‘ஜிசாட்-31’ செயற்கை கோள், விசாட் நெட்வொர்க், டெலிவிஷன் இணைப்பு, டிஜிட்டல் செயற்கைகோள் செய்தி சேகரிப்பு, டி.டி.எச். டெலிவிஷன் சேவை, செல்போன் சேவை ஆகியவற்றுக்கும் பயன்படும்.
இந்த செயற்கை கோள், இரண்டே மாதங்களில் கொரூவ்வில் இருந்து விண்ணில் செலுத்தப்படுகிற ‘இஸ்ரோ’வின் இரண்டாவது செயற்கைகோள் என்ற சிறப்பை பெறுகிறது. கடந்த டிசம்பர் மாதம் 5-ந் தேதி 5 ஆயிரத்து 854 கிலோ எடை கொண்ட ‘ஜிசாட்-11’ செயற்கை கோள், கொரூவ்வில் இருந்து விண்ணில் செலுத்தப்பட்டது நினைவுகூரத்தக்கது.
 
Onetamil News ad
 
 
 
 

தொடர்புடைய செய்திகள்

 

Onetamil News

Onetamil News
 
Onetamil News
 
Onetamil News Birthday Wishes
 

இத படிங்க முதல்ல

விளம்பரங்கள்

Onetamil News Onetamil News
Onetamil News Logo